Tveir danskir ferðamenn létust þegar ísjaki brotnaði

Tveir danskir ferðamenn, sem voru að taka myndir af ísjaka á Grænlandi um helgina, létust um þegar hluti ísjakans gaf sig og skall í sjóinn með þeim afleiðingum að þeir féllu í sjóinn og drukknuðu.

Um er að ræða tvo karlmenn sem voru 70 og 73ja ára gamlir. Þeir voru hluti af dönskum hópi ferðamanna sem voru að heimsækja Uummannaq á vesturströnd Grænlands.

Hópurinn hafði verið fluttur á enda ísjakans á sunnudagseftirmiðdag þegar slysið varð.

„Allt í einu heyrðum við eitthvað sem líktist þrumu og hluti ísjakans, þar sem fólkið stóð, var þakið ísbrotum, vatni og drullu,“ sagði Anders Pedersen, skipstjóri skipsins sem flutti fólkið á jakann.

Gríðarstór alda skall á ferðamennina og feykti fimm manns, þar á meðal leiðsögumanni, sjóinn. Þremur var komið til bjargar. Mennirnir tveir fundust látnir nokkru síðar.

• 1 blogg um fréttina

Bloggað um fréttina

• Eiður Svanberg Guðnason: Vandið ykkur !