Páfi segir mannkyn með óseðjandi neysluþörf

Benedikt XVI páfi, segir mannkynið eyða auðlindum jarðar til þess að svala óseðjandi neysluþörf.  Páfi lét þessi orð falla í Sydney í Ástralíu í morgun, þar sem hann verður viðstaddur hátíðarhöld á alþjóðlegum degi ungmenna.  Búist er við að um 200.000 kaþólsk ungmenni komi til borgarinnar í tilefni dagsins. 

Páfi segir að menn verði að gera sér grein fyrir að ör jarðar, eins og eyðing skóga, veðrun, ofnotkun auðlinda á landi og í sjó, séu komin til vegna of mikillar þarfar manna á efnislegum hlutum. 

Í ræðu á móttökuathöfn sem Kevin Rudd, forætisráðherra hélt páfa, lofaði hann áströlsku ríkistjórnina fyrir að biðja innfædda Ástrali afsökunar á óréttlæti sem þeir þurftu að þola.  Sagði hann stjórnvöld hafa sýnt hugrekki með þeirri afsökunarbeiðninni.
 

• 4 blogg um fréttina

Bloggað um fréttina

• Bergur Thorberg: Steinkast í glerhúsi
• Auðun Gíslason: Alveg rétt hjá kallgreyinu!
• Unnar Geir Unnarsson: Segir hver?
• Sigurður Jónsson: BRUÐL Í PÁFAGARÐI