Mun berjast gegn hryðjuverkum

Barack Obama, forsetaframbjóðandi demókrata í Bandaríkjunum, segir ástandið í Afganistan óöruggt og að áríðandi sé að beina athyglinni að Afganistan í stríðinu gegn hryðjuverkum.  Obama lét þessi orð falla á fundi með Hamid Karzai , forseta landsins í Kabúl, höfuðborg Afganistan, í dag. 

Obama hét því að berjast gegn hryðjuverkum af krafti, verði hann kosinn forseti næsti Bandaríkjanna í haust.  Ennfremur hét Obama því að fjölga hermönnum í Afganistan verði hann kosinn forseti. 

Obama átti fund með Karzai í forsetahöllinni í Kabúl ásamt tveim öðrum bandarískum öldungadeildarþingmönnum.  Ræddu þeir meðal annars, eiturlyfjasölu í Afganistan og samskipti þjóðanna.

• 2 blogg um fréttina

Bloggað um fréttina

• Björn Heiðdal: Obama er hræðilegur
• Gísli Foster Hjartarson: Það yrði sérstakur forseti...