Spáð að hitabeltisstormurinn Dolly verði að fellibyl

Hitabeltisstormurinn Dolly stefnir nú að suðurhluta Texas og að sögn bandarískra veðurfræðinga er talið að Dolly verði orðinn að fellibyl áður en hann gengur á land nærri  landamærum Mexíkó og Bandaríkjanna síðar í þessari viku.

Vindhraðinn Dolly mælist nú vera um 24 metrar á sekúndu. Hitabeltisstormurinn myndaðist við Yucatan-skaga í hlýjum sjó í Mexíkóflóa. Búið er að gera viðvart um að fellibylur gæti gengið á land á suðurhluta Texas.

Talið er að Dolly gangi á land á miðvikudag nærri landamærabænum Brownsville, sem er fjarri viðkvæmum olíusvæðum.

Síðast gekk hvirfilbylur á land í Bandaríkjunum í nóvember árið 2007, en það var fellibylurinn Humberto. Annars hafa Bandaríkin sloppið að mestu við fellibyli undanfarin tvo fellibyljatímabil.

Árin 2004 og 2005 urðu þau hins vegar illa úti þegar öflugir fellibyljir, m.a. fellibylurinn Katrín, gengu yfir Flórída og strandlengjuna sem liggur við Mexíkóflóa.

Ferðamaður í Mexíkó fylgist með hafinu þar sem talið er að Dolly muni ganga á land síðar í vikunni. Reuters

• 3 blogg um fréttina

Bloggað um fréttina

• Gísli Foster Hjartarson: Ánægður með þokuna og rigninguna
• Hrannar Baldursson: Vanmáttur mannsins gegn náttúruskrímslinu: þegar við lentum í fellibyl á …
• Bergur Thorberg: Nirfilbylur í nánd