Hluti loftsins í Evrópuþinghúsinu í Strassborg féll

Hluti loftsins í húsi Evrópuþingsins í Strassborg í Frakklandi féll í síðustu viku, en ekki er vitað hvað olli því. Engan sakaði þegar stór hluti yfirborðsklæðningar loftsins í þingsalnum féll niður, að því er segir í fréttatilkynningu í dag. Viðgerð er hafin.

Evrópuþingið kemur aftur saman í Strassborg í næsta mánuði. Það situr til skiptis þar og í Brussel, vegna þess að Frakkar gerðu kröfu um að fá til sín Evrópusambandsstofnun.

Ferðir á milli borganna vegna þessa, um 500 km leið, kosta evrópska skattgreiðendur rúmlega 200 milljónir evra á ári, eða sem svarar 24,5 milljörðum íslenskra króna.

• 4 blogg um fréttina

Bloggað um fréttina

• Einar Þór Strand: Minnir á aðra frétt fyrir rúmlega 100 árum
• Jón Aðalsteinn Jónsson: Skrítið
• Bergur Thorberg: Þoldi ekki meira
• Frikkinn: Hrunadans