Ólíklegt er að George W. Bush Bandaríkjaforseti mæti til setningar landsþings Repúblíkanaflokksins á morgun vegna yfirvofandi hættu af völdum fellibylsins Gústavs, að því er talsmaður Hvíta hússins sagði í morgun. Svo kann reyndar að fara að þinginu verði frestað vegna veðursins.

Landsþingið verður haldið í St.Paul í Minnesota. Hugsanlegt er að Bush haldi til Louisiana í dag, þar sem búist er við að Gústav komi að landi á næsta sólarhring. Óttast er að hann verði enn öflugri en Katarina, sem lagði New Orleans að mestu í rúst fyrir þrem árum.

John McCain, sem taka mun formlega við útnefningu sem forsetaframbjóðandi flokksins á þinginu, sagði í gær að það væri vart viðeigandi að halda þingið með pompi og prakt á sama tíma og náttúruhamfarir geisuðu.

Hann hélt í dag ásamt varaforsetaefni sínu, Söru Palin, til Mexíkóflóastrandarinnar, til að kynna sér viðbúnaðinn vegna veðursins.

Tengdar fréttir

Fellibylurinn Gustav

Fellibylur nær landi

• Hráolíuverð á hraðri niðurleið
• Dregur úr styrk fellibyls
• Gustav nálgast New Orleans
• Olíuverð á uppleið

» Fleiri tengdar fréttir

• 1 blogg um fréttina

Bloggað um fréttina

• Nostradamus: What sucks...