Söngur sekkjapípunnar þagnaður

Vegna kulnandi samskipta vesturlanda og Rússlands hefur breska ríkisstjórnin lagt bann við því að þrjár hergöngulagahljómsveitir taki þátt í sýningu slíkra lúðrasveita í Moskvu. Um 40 tónlistarmenn í breska hernum hafa fengið boð um þeir fái ekki að taka þátt í Zoria hátíðinni á Rauða torginu í Moskvu eins og áætlað var.

Bannið nær til sekkjapípuspilara 2. herdeildar Skotlands, Írsku varðmannasveitarinnar og 1. Konunglegu Ghurka rifflaskyttnanna.

Breska utanríkisráðuneytið tilkynnti að með þessu væri verið að gefa til kynna að ekki væri allt með felldu í samskiptum við Rússland og mótmæla innrás rússneska hersins í Georgíu.

• 1 blogg um fréttina

Bloggað um fréttina

• Snorri Bergz: Heimskulegt hjá Bretum.