Virti ekki stöðvunarmerki

Talsmaður lestafyrirtækisins Metrolink segir að frumrannsókn á lestarslysinu í útjaðri Los Angeles í nótt hafi leitt í ljós að lestarstjóri farþegalestarinnar hafi ekki stöðvað við stöðvunarmerki. Talið er að umræddur lestarstjóri hafi látist í slysinu.

Björgunarsveitir vinna enn að því að bjarga fólki sem er fast inni í rústum tveggja lesta sem rákust saman í útjaðri Los Angeles í morgun. Staðfest hefur verið að 23 manns hafi látist og að ríflega 100 hafi slasast.

Slysið varð með þeim hætti að farþegalestin ók beint framan á flutningalest. Talið er að um 350 manns hafi verið um borð í farþegalestinni.

• 1 blogg um fréttina

Bloggað um fréttina

• Ómar Ingi: Myndir af þessu slysi hérna frá LAIST