Kynþáttafordómar gætu kostað Obama sigurinn

Djúpstæðir kynþáttafordómar hvítra kjósenda demókrataflokksins gætu kostað Barack Obama, forsetaframbjóðanda flokksins, sigurinn ef jafnt verður á mununum í kosningunum, samkvæmt nýrri könnun. Þriðjungur þessara kjósenda hefur neikvæðar hugmyndir um blökkumenn.

Könnunin var gerð á vegum AP og Yahoo News í samstarfi við Stanfordháskóla.

Margir umræddra kjósenda, sem hafa neikvæða mynd af blökkumönnum, kölluðu þá lata og ofbeldisgjarna, og kváðu þá sjálfa bera ábyrgð á bágu hlutskipti þeirra.

Samkvæmt niðurstöðum könnunarinnar er hlutfall þeirra kjósenda sem kunna að snúa baki við Obama vegna kynþáttar hans hærra en nam hlutfallslegum mun á frambjóðendunum í síðustu forsetakosningum, sem var um tvö og hálft prósent.

Um 40% allra hvítra Bandaríkjamanna hafa að minnsta kosti að einhverjar neikvæðar hugmyndir um blökkumenn.

Yfir þriðjungur allra hvítra demókrata og óflokksbundinna kjósenda, sem Obama þarf á að halda eigi hann að geta sigrað í kosningunum, kvaðst sammála að minnsta kosti einu neikvæðu lýsingarorði um blökkumenn, samkvæmt könnuninni.

Þessir þátttakendur eru mun ólíklegri til að greiða Obama atkvæði en þeir sem ekki hafa þessar neikvæðu hugmyndir.

• 5 blogg um fréttina

Bloggað um fréttina

• Jakob Falur Kristinsson: Blökkumenn
• Stefán Friðrik Stefánsson: Fordómar í Bandaríkjunum á sögulegu kosningaári
• Kolbrún Hilmars: Fari svo að Obama tapi kosningunum
• Gísli Foster Hjartarson: Talandi um að einhverjir....
• María: við lýði