Frakklandsforseti vill draga menn til ábyrgðar

„Þeim sem ábyrgð bera á fjármálakrísu heimsins ætti að refsa,“ segir Nicolas Sarkozy, Frakklandsforseti, og kallar eftir því að leiðtogar heims viðurkenni hina alvarlegu stöðu mála. 

„Í dag eru milljónir manna sem óttast ekkert meira en að tapa fjármunum sínum, íbúðum og sparifé í bönkum,“ sagði Sarkozy í ræðu sem hann hélt þegar honum voru veitt mannúðarverðlaun Elie Wiesel-stofnunarinnar í New York. 

„Við verðum að veita fólki skýr svör. Svara því hverjir bera ábyrgðina. Og sýna að þeir sem hana beri verði dregnir til ábyrgðar og refsað,“  sagði Sarkozy án þess að tilgreina nákvæmlega hverja hann vildi draga til ábyrgðar.

„Ef við tölum ekki skýrt þá getum við ekki skapað stöðugleika í heiminum. Kannski myndi gagnast best ef leiðtogar viðurkenndu alvarleika stöðunnar og töluðu tæpitungulaust um þessi mál.“

• 1 blogg um fréttina

Bloggað um fréttina

• Bjarni Kjartansson: Maður að mínu skapi.