Obama kom betur út

Könnun sem sjónvarpsstöðin CNN gerði í Bandaríkjunum gefur til kynna að Barack Obama forsetaframbjóðandi hafi komið betur út úr fyrstu kappræðunum við John McCain sem fram fóru í nótt. Langflestir þátttakendanna í könnuninni voru sammála um að báðir myndu standa sig prýðisvel í forsetaembættinu.

Könnunin gefur reyndar ekki nákvæma sýn á skoðun Bandaríkjamanna í heild þar sem aðeins þeir tóku þátt sem fylgdust með kappræðunum og voru fleiri áhorfendanna demókratar en repúblikanar. 51% þeirra sem spurðir voru töldu Obama hafa staðið sig betur en 38% sögðu McCain hafa komið betur út. Þá voru kvenkyns þátttakendurnir mun hrifnari af Obama en McCain.

• 2 blogg um fréttina

Bloggað um fréttina

• Ómar Ragnarsson: Leyft að útskýra.
• Stefán Friðrik Stefánsson: Jafntefli í litlausum kappræðum í Mississippi