Palin segir Obama slæpast með hryðjuverkamönnum
Setja bókamerki
Sarah Palin, varaforsetaefni bandarískra repúblíkana, sakaði Barack Obama, forsetaefni demókrata um það í dag að slæpast með hryðjuverkamönnum.
Var Palin að vísa til kynna Obama af Bill Ayers, einum af stofnendum samtakanna Weather Underground á sjöunda áratug síðustu aldar en samtökin lýstu ábyrgð á nokkrum sprengjutilræðum á hendur sér.
Palin sagði á fjáröflunarsamkomu repúblíkana í Englewood í Colorado að Obama þætti Bandaríkin svo ófullkomin að hann „slæptist með hryðjuverkamönnum sem ráðist gegn eigin landi."
Palin sagði einnig að hún hefði verið hvött til þess af fjárhagslegum bakhjörlum framboðs McCain að berjast gegn Obama af meiri hörku en hún hafi gert hingað til
Obama átti um tíma sæti í stjórn mannúðarsamtaka í Chicago þar sem Ayers sat einnig. Hann hefur fordæmt framferði Ayers á hans yngri árum opinberlega en Ayer er nú háskólaprófessor.
Skotinn til bana við skyldustörf
Ætla ekki að skila peningnum
Inga Sæland fyrir og eftir ráðherrastólinn
Ákvörðun Trumps veldur titringi
Íbúar komnir heim á ný