Mannætukokkur dæmdur í lífstíðarfangelsi

Breskur kokkur sem myrti elskhuga sinn og át hluta af honum hefur verið dæmdur í lífstíðarfangelsi.

Fram kemur á fréttavef BBC að morðinginn, hinn 36 ára Anthony Morley, hafði m.a. unnið það sér til frægðar að vera fyrsti sigurvegarinn í keppninni Mr. Gay UK árið 1993.

Morley var fundinn sekur um að hafa myrt elskhuga sinn, Damain Oldfield sem var 33 ára, á heimili sínu í Leeds. Dómarinn sagði málið vera með því ógeðfelldara sem hann hafi komið nálægt, en Morely skar Oldfield á háls og stakk hann nokkrum sinnum. Í kjölfarið skar hann hluta úr læri Oldfield, eldaði það og lagði það sér til munns.

Morley mun afplána að lágmarki 30 ára fangelsi. 

• 2 blogg um fréttina

Bloggað um fréttina

• Hólmdís Hjartardóttir: Ég elska þig svo mikið
• Þorsteinn Gunnarsson: Kreppan hefur komið snemma í UK