Palin breytti reikningum

Greint hefur verið frá því að Sarah Palin, varaforsetaefni bandarískra repúblíkana, hafi breytt reikningum vegna ferða barna sinna, sem hún hafði áður farið fram á að yrðu greiddir af skattgreiðendum Alaska, þar sem hún er ríkisstjóri. Þetta kemur fram á fréttavef Jyllands-Posten.

Palin hafði skráð kostnað vegna ferða barnanna á reikning ríkisins, þrátt fyrir að þeim hafi ekki verið boðið opinberlega í umræddar ferðir, en breytti því eftir að hún var valin varaforsetaefni.

Mun það varða við lög í Alaskaað skrá kostnað einstaklinga sem ekki eru boðnir til ákveðinna atburða í opinberum erindagjörðum á risnureikning.

• 2 blogg um fréttina

Bloggað um fréttina

• Ómar Ingi: C orðið notað
• Örvar Már Marteinsson: Æi