McCain blæs á skoðanakannanir

John McCain, forsetaefni repúblikana, blés í dag á þær skoðanakannanir sem hafa verið birtar fyrir komandi kosningar, en skv. þeim Barack Obama, forsetaefni demókrata, með gott forskot. McCain heldur því fram að möguleikar hans að verða næsti forseti Bandaríkjanna séu enn góðir.

McCain, sem hefur mælst vera í um það bil 10 prósentustigum á eftir Obama í mörgum könnunum sem hafa verið gerðar á landsvísu, sagði í samtali við NBC sjónvarpsstöðina að baráttan sé ekki búin.

„Þessar skoðanakannanir hafa ítrekað sýnt fram á að ég sé mun meira á eftir heldur en við erum í raun og veru,“ sagði McCain. „Okkur gengur vel.“

„Við minnkuðum bilið í síðustu viku og ef við höldum áfram að saxa á forskotið í næstu viku þá er ljóst að þið munið vaka lengi á kosninganóttinni.“

• 3 blogg um fréttina

Bloggað um fréttina

• Ómar Ingi: 5 nöfn !!
• Árni Steingrímur Sigurðsson: Í öðrum fréttum
• Herbert Snorrason: Rétt hjá McCain.