Skrifstofur Reuters í New York rýmdar

Starfsmönnum Reuters í New York brá í brún þegar þegar í ljós kom að dularfullt bréf með dufti hafði borist fréttastofunni í pósti. Starfsmönnunum var í framhaldinu var gert að yfirgefa skrifstofurnar á meðan málið var rannsakað.

Lögreglan var kölluð á staðinn eftir að einn ritstjóra fréttastofunnar hafði opnað bréfið og séð duftið. Lögreglan bað starfsmennina, sem eru um 140 talsins, um að yfirgefa skrifstofurnar sem eru á 19. hæð háhýsis á Manhattan.

Bréfið var einangrað sem og ritstjórinn á meðan málið var rannsakað, en skrifstofunni var lokað í fjóra tíma. Niðurstöður rannsóknarinnar leiddu í ljós að efnið var ekki hættulegt.

Þrátt fyrir að hafa þurft að yfirgefa skrifstofurnar gerðu fréttamennirnir ráðstafanir þannig að þeir gætu haldið áfram að skrifa fréttir á öðrum skrifstofum.

Skrifstofur fréttastofunnar í New York, sem eru við Times Square, eru höfuðstöðvar Thomson Reuters, sem er móðurfélag fyrirtækisins. Fréttastofan er sú næst stærsta á eftir London.

• 1 blogg um fréttina

Bloggað um fréttina

• Guðmundur Ásgeirsson: "Duftumslögin" (endursýnt efni)