Flæði rússneskra vopna til Rómönsku-Ameríku gæti komið af staðið vopnakapphlaupi í heimshlutanum, að mati sendiherra Bandaríkjanna í Kólumbíu. Rússar hafa átt í nánum samskiptum við mörg ríkja álfunnar, þar með talið Venesúela, undir stjórn Hugo Chavez forseta.

Sendiherrann William Brownfield lét þessi orð falla í viðtali við dagblaðið El Tiempo, þar sem hann þrátt fyrir óskoraðan sjálfsákvörðunarrétt vær ekkert ríki í tómarómi þegar kæmi að öryggismálum.

Ummælin vekja athygli enda hefur her Venesúela keypt rússneskar þotur og riffla að undanförnu, á sama tíma og Chavez forseti hefur talað digurbarkalega í garð Bandaríkjastjórnar.

Fjölmörg ríki vinna nú að gerð samnings sem ætlað er að auka gagnsæi í vopnaviðskiptum ríkja í millum. Tillaga um gerð samningsins var samþykkt með yfirgnæfandi meirihluta atkvæða á Allsherjarþingi Sameinuðu þjóðanna á föstudag. Aðeins fulltrúar Bandaríkjanna og Simbabve lýstu sig andvíga tillögunni.

Tengdar fréttir

Hugo Chavez

Gerir þriggja metra styttu af Chavez

• Maduro ósáttur með teiknimynd
• Hugo Chavez í himnaríki
• Enn minnast menn Chavez
• Maduro sór embættiseið

» Fleiri tengdar fréttir

• 1 blogg um fréttina

Bloggað um fréttina

• Björn Heiðdal: Blóðug saga USA!