Láta skal Guantanamo-fanga lausa

Bandaríski dómarinn Richard Leon úrskurðaði í dag að hluti þeirra fanga sem dveljast í Guantanamo fangabúðunum væru ólöglega í haldi og þeim skildi sleppt. Kemur þessu úrskurður rúmum sjö árum eftir að Guantanamo fangabúðirnar voru opnaðar.

Dómurinn þykir áfall fyrir stjórn George W. Bush Bandaríkjaforseta, en dómarinn fyrirskipaði að fimm Alsírbúar sem teknir voru höndum árið 2001 skildu látnir lausir.

„Dómstóllinn telur að stjórnvöldum hafi ekki tekist að sýna fram á sekt,“ "sagði Leon sem annars er talinn íhaldsamur í sínum úrskurðum.

Sjötti Guantanamo-fanginn, sem tekinn var höndum með hinum og einnig er Alsírbúi, var hins vegar talinn hafa verið handtekinn með löglegum hætti.

Lögfræðingur fanganna Robert Kirsch sagði AFP- fréttastofunni að hann væri bæði feginn og þakklátur dóminum. „Þetta er frábær dagur fyrir bandarískt réttlæti,“ sagði hann. "

• 1 blogg um fréttina

Bloggað um fréttina

• Róbert Tómasson: Guantanamo