Clinton til í ráðherrastarfið

Hillary Clinton er tilbúin að þiggja boð Barak's Obama, verðandi forseta Bandaríkjanna, um að vera utanríkisráðherra í stjórn hans. Hefur Clinton sent skýr merki um að hún hafi hug á að gefa upp öldungadeildarþingsæti sitt til að verða andlit Bandaríkjanna út á við.

„ Hún er tilbúin,“ hefur New York Times eftir ónefndum trúnaðarvini Clinton, sem bætti við að forsetafrúin fyrrverandi hafi gert upp hug sinn í kjölfar viðræðna við Obama um utanríkisstefnu hans.  

Talsmenn Obama segja engar áætlanir uppi um að tilkynna formlega ráðningu Clinton fyrr en að lokinni Þakkargjörðahátíðinni í lok næstu viku.  Aðstoðarmenn öldungadeildarþingmannsins vildu hins vegar ekki staðfesta frétt New York Times, en  vildu ekki heldur neita henni.

• 1 blogg um fréttina

Bloggað um fréttina

• Vésteinn Valgarðsson: Miðaldra lögfræðimenntaður zíonisti í þjónustu heimsvaldastefnunnar