Eþíópísk herlið yfirgefa Sómalíu

Eþíópísk yfirvöld tilkynntu í dag að þau muni draga herlið sín út úr Sómalíu fyrir árslok og binda þar með endi á tveggja ára hernám sem ekki þykir hafa heppnast sem skyldi. Um leið fara áhyggjur af þverrandi öryggi í Sómalíu vaxandi.

Hætta þykir á því að landið rati í hendur íslamistahreyfingarinnar Shebab og bandamanna hennar þar sem herlið Afríkubandalagsins sé ekki enn reiðubúið til starfa með svo skömmum fyrirvara.

Eþíópíska herliðinu, sem sent var til Sómalíu árið 2006, var ætlað að styðja við bráðabirgðastjórn landsins en stjórnin, sem var studd ríkisstjórnum alþjóðasamfélagsins, hefur ekki náð að festa sig í sessi.

• 1 blogg um fréttina

Bloggað um fréttina

• Vésteinn Valgarðsson: Íslamistarnir eru svarið