Danskt viðskipta­líf er í upp­námi eft­ir að ljóst varð í dag, að þekkt hug­búnaðarfyr­ir­tæki, IT-Factory, er gjaldþrota og for­stjór­inn, Stein Bag­ger, er stung­inn af með hálf­an millj­arð danskra króna, 12 millj­arða ís­lenskra króna. Hef­ur alþjóðleg hand­töku­skip­un verið gef­in út á hend­ur Bag­ger.

IT-Factory hef­ur starfað í 11 ár. Fyr­ir skömmu til­kynnti fyr­ir­tækið á vef sín­um, að bú­ist væri við 400 millj­óna danskra króna hagnaði á þessu ári og í nóv­em­ber fékk IT-Factory sér­stök verðlaun fyr­ir að vera það fyr­ir­tæki, sem hraðast hef­ur vaxið. Í fyrra valdi dag­blaðið Bør­sen Bag­ger viðskipta­mann árs­ins.

En í síðustu viku kom babb í bát­inn þegar Bag­ger, sem er 41 árs gam­all fjöl­skyldumaður, hvarf þar sem hann var í viðskipta­ferð í Dubai. Í kjöl­farið kom í ljós, að for­stjór­inn hafði að und­an­förnu setið á leyni­legri skrif­stofu og gefið út falska vöru­reikn­inga, sem hann hafði síðan fengið greidda og stungið fénu í vas­ann. 

Asger Jens­by, stjórn­ar­formaður IT-Fact­ury og stór hlut­hafi, seg­ir að þetta hafi komið hon­um ger­sam­lega í opna skjöldu. Fyr­ir­tækið var m.a. meðal styrkt­araðila hjól­reiðaliðsins Team Saxo Bank, sem Bjarne Riis stjórnaði. 

End­ur­skoðun­ar­fyr­ir­tækið KPMG í Dan­mörku gæti einnig verið í vond­um mál­um en fyr­ir­tækið var end­ur­skoðandi IT-Factory.

Tengd­ar frétt­ir

IT-Factory

Sam­starfsmaður Bag­gers hand­tek­inn

• Talið að Bag­ger kunni að vera í Mið-Am­er­íku
• Fjár­svik vaxa að um­fangi

Stein Bag­ger

Krefst 8 ára fang­els­is­dóms yfir Bag­ger

• Rétt­ar­höld haf­in yfir Bag­ger
• Bag­ger ákærður fyr­ir grófa lík­ams­árás
• Gæslu­v­arðhald fram­lengt yfir Bag­ger
• Gæslu­v­arðhald Bag­gers fram­lengt

» Fleiri tengd­ar frétt­ir

• 4 blogg um frétt­ina

Bloggað um frétt­ina

• Þór­ar­inn M Friðgeirs­son: Varla met á norður­lönd­um ?
• Heiður Helga­dótt­ir: Lét sig hverfa með 12 millj­arða
• Heim­ir Lárus­son Fjeld­sted: Margt líkt með skyld­um. Marg­ir Stein­ar Bag­ger­ar hér á landi
• Anna Karls­dótt­ir: End­ur­skoðum end­ur­skoðend­ur!!!!!