Danir handtaka sjóræningja

Danska herskipið Absalon lagði í kvöld hald á vopn sómalskra sjóræningja sem höfðu ratað í vanda á Adenflóa. Absalon fékk neyðarkall frá sjóræningjaskipi sem var að sökkva í flóanum og kom áhöfninni til hjálpar.  Þetta kemur fram á vef danska ríkisútvarpsins.

Siglt var með sjóræningjana til Jemen þar sem þeir voru látnir í hendur yfirvalda. Komið hafa upp deilur um hvort danska flotanum sé heimilt að handtaka grunaða sjóræningja í Adenflóa. Áður hefur sjóherinn neyðst til að sleppa hópi grunaðra sjóræningja eftir sex daga varðhald.

• 1 blogg um fréttina

Bloggað um fréttina

• Baldvin Jónsson: Stórundarlegt ástand þarna við Sómalíu