Grófur barnaklámhringur upprættur

Tuttugu og tveir karlmenn, þeirra á meðal lögmaður, lögreglumaður og leikskólakennari, hafa verið handteknir í Ástralíu, vegna gruns um aðild að barnaklámhring. Þetta kemur fram á fréttavef Sky.

Rannsókn málsins náði til um 70 landa og eru 200 einstaklingar taldir tengjast því.  Efnið sem dreift var innan hringsins er sagt með því grófasta sem sést hefur. Þetta kemur fram á fréttavef Sky.

Lögregla í Ástralíu hefur gert 500.000 myndir og 15.000 myndbönd upptæk í tengslum við málið en á þeim má sjá börn, allt niður í tólf mánaða gömul sæta grófu kynferðislegu ofbeldi. Varði ofbeldið í sumum tilfellum samfleytt í tvo klukkutíma.Tvö börn hafa verið fjarlægð frá heimilum sínum vegna máslins en talið er að flest fórnarlömbin séu frá Austur-Evrópu og  Norður og Suður-Ameríku.

Mun hringurinn hafa starfað þannig að meðlimir hans skiptust á barnaklámefni um póstforrit á netinu.

Samkvæmt upplýsingum lögreglu er ekki er vitað til þess að hringurinn hafi teygt arma sína hingað til lands.