Óeirðir í Aþenu

Tugir ungmenna, bæði fótgangandi og á mótorhjólum, hafa ráðist á lögreglustöð í  Aþenu, höfuðborgar Grikklands, í kvöld. Einnig var kveikt í stjórnarbyggingu í miðborginni og tveir bankar hafa verið skemmdir. Lögregla hefur beitt táragasi gegn fólkinu.

Fyrr í kvöld var víða kveikt á kertum í borginni til að minnast þess að vika er liðin frá því lögreglumaður skaut 15 ára gamlan dreng til bana. Í kjölfarið urðu óeirðir sem hafa verið daglegt brauð síðan, bæði í Aþenu og öðrum helstu borgum landsins.

Ungmennin köstuðu að minnsta kosti einni bensínsprengju að lögreglustöð í  Exarchiahverfi í borginni í kvöld þar sem unglingurinn var skotinn til bana. Þau brutu síðan gangstéttarhellur og hlóðu götuvirki með grjóti og brennandi ruslatunnum.

Róstusamt hefur einnig verið í Þessalóníku, næststærstu borg Grikklands, í kvöld.

• 3 blogg um fréttina

Bloggað um fréttina

• Gunnar Þór Ólafsson: Óeirðir í Aþenu,mannlegt eðli en samt harmleikur
• Halldór Sigurðsson: Annað en hér -- myndband
• Máni Ragnar Svansson: Aþena