Obama kynnir nýja forystusveit í loftslagsmálum
Setja bókamerki
Barack Obama, verðandi forseti Bandaríkjanna, kynnti val sitt á helstu embættismönnum í orku- og umhverfismálum á fréttamannafundi í kvöld. Hann hét því að Bandaríkin myndu gegna forystuhlutverki í baráttunni gegn loftslagsbreytingum eftir að hafa dregið lappirnar í átta ára valdatíð George W. Bush.
Nóbelsverðlaunahafinn og eðlisfræðingurinn Steven Chu verður orkumálaráðherra. Obama hefur því valið sérfræðing í endurnýjanlegum orkugjöfum til forystu í loftslagsmálum og í þeirri viðleitni að gera Bandaríkin óháð olíuinnflutningi.
Lisa Jackson, skrifstofustjóri ríkisstjóra New Jersey, verður yfirmaður Umhverfisverndarstofnunar Bandaríkjanna, EPA.
Carol Browner, sem var háttsettur embættismaður í EPA í forsetatíð Bills Clintons, fær það hlutverk að hafa yfirumsjón með baráttunni gegn loftslagsbreytingum í heiminum.
Nancy Sutley, sem hefur verið á meðal helstu ráðgjafa Obama, verður formaður umhverfisverndarráðs Hvíta hússins.
Spara stórfé með olíukaupum ytra
Sáu eldgosið brjótast út frá Snæfellsnesi
Mjög alvarlegt ef Njarðvíkuræð gefur sig
Einar skorar á næstu ríkisstjórn
Borgin verður af milljörðum eftir dóm Hæstaréttar
Tekist á um áður óþekkta skýrslu landlæknis