Sofandi kona sendi tölvupóst

Læknar hafa skýrt frá fyrsta tilfellinu þar sem manneskja notar netið sofandi, en kona nokkur sendi tölvupóst á meðan hún svaf til fólks þar sem hún bauð því í heimsókn.

Það var ekki fyrr en næsta dag, þegar meintur tilvonandi gestur hringdi í konuna til að þiggja boðið, sem hún áttaði sig á því hvað hún hafði gert.

Konan er 44 ára gömul og að því er skýrt er frá fór hún að sofa um klukkan 22 en fór aftur á fætur tveimur tímum seinna. Hún gekk inn í næsta herbergi, kveikti á tölvunni og samdi síðan þrjú tölvuskeyti.

Engin regla var á notkun hástafa og lágstafa og skeytin voru öll einkennilega orðuð. Í einu sagði: „Komdu á morgun og finndu útúr þessu helvíti. Kvöldmatur og drykkir kl. 4. Komdu bara með vín og kavíar“. Í öðru skeyti stóð aðeins „Hvað í ...“

Í frétt læknanna segir  að þetta sé í fyrsta sinn svo vitað sé að einstaklingur sýni svo flókna hegðun sofandi. Þar segir jafnframt: „Konunni brá gríðarlega þegar hún sá tölvuskeytin þar sem hún mundi ekki eftir að hafa skrifað þau.“

• 4 blogg um fréttina

Bloggað um fréttina

• Hulda Elma Guðmundsdóttir: Skýrir póstinn frá Bjarna og Þorleifi
• Jac Norðquist: Heyrðu nú ?
• Bergur Thorberg: Alþingismannahöfgi
• Jóhanna Sigrún Jónsdóttir: Kannast við þetta