Mega elta sjóræningja í Sómalíu

Öryggisráð Sameinuðu þjóðanna samþykkti einróma í kvöld að heimila löndum að grípa til aðgerða á landi í Sómalíu til að elta uppi sjóræningja.

Öryggisráðið hafði áður heimilað herskipum að fara inn í landhelgi Sómalíu en þetta er í fyrsta skipti sem ráðið heimilar aðgerðir á landi í baráttunni við sjóræningjana. Þetta er fjórða ályktun öryggisráðsins um baráttuna gegn sjóránum við strendur Sómalíu.

Skýrt var frá því í dag að sómalskir sjóræningjar hefðu rænt tveimur skipum undan strönd Jemen. Sjóræningjarnir hafa rænt tugum skipa á árinu.

• 4 blogg um fréttina

Bloggað um fréttina

• Jóna Kolbrún Garðarsdóttir: Hvernig væri að öryggisráðið hjálpaði okkur?
• Magnús Guðjónsson: Athyglisvert
• Sigrún Jónsdóttir: Öryggisráðið..
• Jóhann Elíasson: Enn þrengir að "strandgæslunni".