Fjórum skipum rænt á sólarhring

Sómalskir sjóræningjar náðu í gær þremur skipum á Aden-flóa á sitt vald, samkvæmt upplýisingum Andrew Mwangura, fulltrúa Kenýa í stuðningssamtökum farmanna í Austur-Afríku. Þetta kemur fram á fréttavef Jyllands-Posten.
Í morgun náðu sjóræningjar síðan kínversku fiskiskipi á sitt vald úti fyrir strönd Jemen. Um þrjátíu eru taldir vera í áhöfnum skipanna fjögurra.

Öryggisráð Sameinuðu þjóðanna samþykkti einróma í gærkvöld æalyktun sem heimilar aðgerðir gegn sjóræningjum á landi í Sómalíu.

Öryggisráðið hefur áður heimilað herskipum að fara inn í landhelgi Sómalíu en þetta er í fyrsta skipti sem ráðið heimilar aðgerðir á landi í baráttunni við sjóræningjana.

• 1 blogg um fréttina

Bloggað um fréttina

• Ásgrímur Hartmannsson: AK-47 getur verið vinur þinn