Strandaði við Þinganes

Fragtskipið Blikur, sem er á vegum Eimskip, strandaði í dag þegar það var á leið inn í höfnina í Þórshöfn með jólavörur til Færeyinga. Minnstu munaði að skipið rækist á sögustaðinn gamla, Þinganes.

Stjórn Færeyja notar gömul og friðuð húsin á nesinu undir stjórnarskrifstofur, meðal annars hefur lögmaðurinn (forsætisráðherrann) skrifstofur sínar þar. Talið er að of mikil ferð hafi verið á skipinu. Færeyska eftirlitsskipið Brimil losaði skipið af strandstað og við fyrstu sýn virðist sem ekki hafi orðið mikið tjón á því.

• 2 blogg um fréttina

Bloggað um fréttina

• Jóna Kolbrún Garðarsdóttir: Fréttamaðurinn/konan
• Ólafur Ragnarsson: "Jólaskip"