Bush verður þakkað, segir Rice

Condoleezza Rice, utanríkisráðherra Bandaríkjanna, segir að þrátt fyrir litlar vinsældir Bush nú, muni fólk brátt þakka honum fyrir það sem hann hefur afrekað í forsetatíð sinni.

„Forsetinn hefur þurft að takast á við erfiðari aðstæður en nokkurn tímann eftir að síðari heimsstyrjöldinni lauk, og hann hefur gert breytingar sem munu standast tímans tönn,“ sagði Rice í viðtali á sjónvarpsstöðinni CBS í gærmorgun.

Rice hafnaði því að ímynd Bandaríkjanna hefði beðið hnekki erlendis. Hún lofaði stjórn Bush fyrir að hafa breytt gangi mála í miðausturlöndum.

„Þetta er ekki vinsældakeppni. Hreinlega ekki. Stjórnin ber ábyrgð á því að taka góðar ákvarðanir um hagsmuni Bandaríkjanna til lengri tíma litið, ekki fyrir fyrirsagnir dagsins í dag, heldur fyrir mannkynssöguna að dæma,“ sagði hún.

• 2 blogg um fréttina

Bloggað um fréttina

• Jóhannes Ragnarsson: Frú Kondomlessa á leið í íslensku utanríkisþjónustuna
• Kristinn Sigurjónsson: Hvernig verður Bush minnst.