Forseti Sómalíu segir af sér

Forseti Sómalíu, Abdullahi Yusuf, tilkynnti afsögn sína í dag en hann hefur verið við völd í fjögur ár. Forseti þingsins tekur við völdum þar til að loknum kosningum í landinu. Skálmöld hefur ríkt í Sómalíu undanfarin ár en Sameinuðu þjóðirnar hafa staðið á bak við Yusuf í embætti. 

Þegar hann tilkynnti afsögn sína í morgun sagði hann að það væri þrennt sem hann hafði einsett sér í embætti. Það fyrsta væri að ef honum tækist ekki að uppfylla skyldur sínar þá myndi hann segja af sér. Í öðru lagi myndi hann gera allt sem í hans valdi stæði til þess að koma á stjórn í landinu öllu. Það hafi hins vegar ekki gengið upp. Í þriðja lagi að fá fleiri leiðtoga til samstarfs en það hafi heldur ekki gengið upp og því hafi hann ákveðið að segja af sér.

• 1 blogg um fréttina

Bloggað um fréttina

• Vilhjálmur Árnason: Þarna er maður sem gerir sér grein fyrir hvað ábyrgð …