Páfagarður segir sig úr ítölskum lögum

Páfagarður í Róm, sem er smæsta ríki heims,  hefur ákveðið að segja sig úr ítölskum lögum. Lögfróðir menn í Páfagarði halda því fram að of mörg ítölsk lög, bæði hvað varða glæpi og mannréttindamál, stangist reglulega á við lögmál kirkjunnar.

Ákvörðunin tók gildi á nýársdag. Benedikt páfi hefur ákveðið að Páfagarður muni ekki lengur taka sjálfvirkt upp þau lög sem eru samþykkt á ítalska þinginu, að því er segir á fréttavef BBC.

Fyrir 80 árum gerðu páfinn, ítalska ríkið og ítalska þingið með sér samkomulag um að ítölsk lög myndu sjálfkrafa taka gildi í Páfagarði.

Nú verður hins vegar farið yfir öll lög, sem eru samþykkt á ítalska þinginu, og í framhaldinu tekin ákvörðun um það hvort lögin muni taka gildi í Páfagarði.

• 3 blogg um fréttina

Bloggað um fréttina

• Vésteinn Valgarðsson: Arfleifð Mússólínís
• Vilhjálmur Árnason: Rómverska kirkjan hefur alltaf viljað fara sínar egin leiðir.
• Sigurður M Grétarsson: Páfagarður vill ekki mannréttindi