Harðar árásir á Vesturbakkanum

Að minnsta kosti 10 Palestínumenn létust fyrr í dag í árás Ísraelska hersins á mosku í bænum Jabaliya á Vesturbakkanum. AFP-fréttastofan hefur eftir læknum og vitnum á vettvangi að líklegt sé að fleiri hafi látist.

Talið er að fjórir til viðbótar hafi látist í morgun í árás á skóla og höfnina á Gaza-svæðinu. Í þeim dóu tveir meðlimir Hamas hryðjuverkasamtakanna og tveir óbreyttir borgarar, samkvæmt heimildum AFP-fréttastofunnar.

Ísraelski herinn hefur haldið uppi hörðum árásum á Gaza-svæðinu undanfarna daga. Talsmenn hersins hafa haldið því fram að árásirnar séu fyrst og fremst á valin skotmörk og þeim sé áætlað að koma í veg fyrir árásir Hamas á ísraelska borgara. Mikið mannfall hefur verið á óbreyttum borgurum Palestínumanna undanfarna daga en að minnsta kosti 442 hafi látið lífið, þar á meðal 75 börn, samkvæmt læknum á Gaza-svæðinu sem AFP-fréttastofan ræddi við.

• 5 blogg um fréttina

Bloggað um fréttina

• Baldur Gautur Baldursson: Júdea... hvað er að gerast?
• Birgir Þorsteinn Jóakimsson: Bandaríkjamenn og aðrir menn…
• Frikkinn: Morðæði Ísraels III
• Hlynur Ólafur Pálsson: Harðar árásir á Vesturbakkanum. Það þeigja allir þunnuhljóði .
• Guðmundur Jónas Kristjánsson: Síonisminn fer enn og aftur yfir strikið !