Barist við Gaza-borg í nótt

Ísraelskir skriðdrekar óku inn í Khan Yunis, stærstu borg suðurhluta Gasasvæðisins rétt fyrir dögun.

Hersveitir Ísraela og Hamasliðar börðust þá við útjaðra Gasaborgar í nótt og er það þriðja kvöldið í röð sem landgöngulið Ísraelshers hefur  staðið fyrir árásum á borgina.

Þrír ísraelskir hermenn féllu og um 20 aðrir særðust á Gaza í gærkvöldi þegar ísraelskur skriðdreki skaut fyrir mistök á samherja sína. Höfðu hermennirnir hertekið byggingu sem skriðdrekinn síðan skaut á. Þar með hafa fjórir ísraelskir hermenn og fjórir ísraelskir borgarar fallið, að sögn BBC, á þeim tíu dögum sem liðnir eru frá því að innrás Ísraelsmanna á Gaza hófst.

Mannfall Palestínumanna er mun meira, en talið er að um 540 Palestínumenn hafi fallið og 2.500 særst.

Þrír ísraelskir hermenn féllu og um 20 aðrir særðust þegar ísraelskur skriðdreki skaut fyrir mistök á samherja sína. Reuters

• 2 blogg um fréttina

Bloggað um fréttina

• Ortrud Gessler: Notaðir voru óvenjuleg vopn gegn óbreyttum borgaranum
• Pálmi Freyr Óskarsson: Ef þetta er "Guði"...................