Skotið á bíl með hjálpargögn

Embættismaður Sameinuðu þjóðanna á Gasasvæðinu segir, að Ísraelsher hafi skotið á flutningabíl, sem var að flytja hjálpargögn fyrir SÞ. Ökumaður bílsins lét lífið. Þykir ljóst að þetta muni auka mjög á þá spennu, sem þegar er milli Ísraelsmanna og starfsmanna SÞ á Gasasvæðinu.

Adnan Abu Hasna, talsmaður SÞ, segir að þetta hafi gerst í gær eftir að Ísraelsmenn lýstu yfir hléi á hernaðaraðgerðum svo hægt væri að koma hjálpargögnum til íbúða á svæðinu.

Hasna sagði að SÞ hefðu skipulagt flutningana í samráði við Ísraelsmenn og bíllinn hefði verið með fána og merki SÞ þegar skotið var á hann.

Ísraelsher segist vera að rannsaka málið.

• 5 blogg um fréttina

Bloggað um fréttina

• Sigurður M Grétarsson: Af hverju var herdeild skotmannsins ekki gereytt?
• Torfi Kristján Stefánsson: Mats Gilbert fær ekki að fara frá Gaza
• Stefán Gíslason: VIÐ getum haft áhrif í Palestínu!
• Ómar Bjarki Kristjánsson: Hvað sagði hann um 9/11 ?
• Gísli Foster Hjartarson: Ótrúlegt ef satt er...