Samningur í gasdeilu
Setja bókamerki
Úkraínustjórn hefur skrifað undir samning um eftirlit með flutningum á rússnesku gasi til Evrópu gegnum Úkraínu og geta gasflutningar frá Rússlandi því hafist á ný. Rússar hættu gasflutningum til Evrópu um Úkraínu í síðustu viku og sökuðu Úkraínumenn um að taka hluta af gasinu til eigin nota. Því hefur Úkraínustjórn vísað á bug.
Júlía Tímótshenkó, forsætisráðherra Úkraínu, tilkynnti um þetta eftir að hafa átt viðræður við Mirek Topolanek, forsætisráðherra Tékklands í Kænugarði í gærkvöldi en Topolanek miðlaði málum í deilu Rússa og Úkraínumanna.
Topolanek sagði, að Úkraínumenn hefðu fallist á öll skilyrði, sem Rússar hefðu sett fyrir áframhaldandi gasflutningum. Þar á meðal munu eftirlitsmenn frá Evrópusambandinu fylgjast með flutningunum.
Vladímír Pútín, forsætisráðherra Rússlands, sagði í morgun að hægt yrði að hefja gasflutninga til Evrópusambandsins um leið og eftirlitsmennirnir hefja störf. Hann sagði þó að stjórnvöld í Moskvu myndu ekki líða frekari gasþjófnað.
Deilan hefur komið afar illa niður á íbúum í ýmsum löndum Austur-Evrópu, sem nota gas til húshitunar en þar er nú afar kalt.
Vegirnir voru eins og borðstofuborð
Viðræður ekkert þokast frá því á þriðjudag
„Sá vegur er bæði háll og myrkur“
„Við höldum áfram þangað til við erum búin“
Ekki vandamál að vera karlmaður
Dregið úr gosóróa
Ása Ellerup flutt út og ætlar að selja húsið