Dóttir Thatcher rekin fyrir ummæli

Carol Thatcher, dóttir járnfrúarinnar Margaret Thatcher, hefur verið rekin úr starfi íþróttafréttamanns á BBC eftir niðrandi ummæli um keppanda á opna ástralska mótinu í tennis.

Notaði Carol orðið „golliwog“ um einn keppenda, en um er að ræða lýsingarorð yfir ógeðslega manneskju sem birtist fyrst á prenti sem nafn á brúðu í barnabók á 19. öld. 

Þótti orðið hafa á sér blæ kynþáttafordóma á síðari tímum.

Ummælin féllu utan útsendingar en þeim er engu að síður tekið mjög alvarlega þar sem þau voru látin falla í heyranda hljóði.

Ekki er vitað um hvern hún var að tala.

Hefur henni verið vikið úr þættinum „The One Show“ en mun þó áfram sinna öðrum verkefnum fyrir BBC.

• 2 blogg um fréttina

Bloggað um fréttina

• Ásgrímur Hartmannsson: Það má aldrei segja neitt.
• Billi bilaði: Golliwogs