D-vítamín gegn MS-sjúkdómnum?

Breskir vísindamenn telja sig hafa sýnt fram á að D-vítamín kunni að draga verulega úr líkunum á því að einstaklingar þrói með sér MS-sjúkdóminn.

Eru tengslin rakin til þeirra áhrifa sem vítamínið hefur á tiltekið gen sem er áhrifavaldur í þessu samhengi.

George Ebers, prófessor við Oxford-háskóla, heldur þessu fram í viðtali við breska blaðið Times, með vísun til frumrannsókna.

Segir blaðið Ebers og rannsóknarfélaga hans hafa sýnt fram á að erfðafræðileg skilyrði fyrir myndun sjúkdómsins séu aukin með skorti á vítamíninu, veikleiki sem kunni að vera arfgengur.

Með því að gefa ófrískum konum og ungum börnum vítamínið sé þannig slegið á líkurnar á þróun sjúkdómsins.

Lesa má fréttina í heild sinni hér.

• 1 blogg um fréttina

Bloggað um fréttina

• Ásgeir Kristinn Lárusson: Tókstu lýsi í morgun?