40% tyrkneska kvenna misþyrmt

Fjórar af hverjum tíu tyrkneskra kvenna eru fórnarlömb misþyrminga af hálfu eiginmanna sinna og einungis lítill hluti þeirra leitar til opinberra aðila vegna þess, samkvæmt nýrri rannsókn sem birt var í dag. Samkvæmt niðurstöðu rannsóknarinnar hafa 39% þeirra orðið fyrir því að vera slegnar, hrint, kýldar, reynt að kyrkja þær, kveikt í þeim eða ráðist á þær með vopni, svo sem hníf eða byssu.

Alls tóku 12.795 konur þátt í rannsókninni sem var gerð síðasta sumar. 15% þeirra voru fórnarlömb kynferðislegs ofbeldis, svo sem nauðgað eða neyddar til niðurlægjandi kynlífsathafna. Ein af hverjum fjórum slösuðust annað hvort vegna líkamlegs eða kynferðislegs ofbeldis sem þær voru beittar.

• 1 blogg um fréttina

Bloggað um fréttina

• Ásgeir Kristinn Lárusson: Misþyrming lífsins.