Býðst til að segja af sér vegna nektarmynda
Setja bókamerki
Elizabeth Wong, þingmaður stjórnarandstöðunnar í Malasíu, hefur boðist til að segja af sér eftir að nektarmyndum, þar sem hún sést sofa nakin, hafði verið dreift af henni í gegnum farsíma.
Wong, sem er ein af helstu mannréttindafrömuðum Malasíu, sakar stjórnvöld um að draga stjórnmálin ofan í ræsið með því að birta myndirnar.
Fram kemur í þarlendum dagblöðum að fyrrverandi kærasti hennar hafi tekið myndirnar.
Malasía er mjög íhaldssamt samfélag og hafa karlkyns stjórnmálamenn gagnrýnt Wong harðlega, en hún er einhleyp og afar sjálfstæð.
„Ég vil taka það fram að ég skammast mín ekki fyrir kynferði mitt, sem einhleyp kona,“ sagði Wong, sem er 37 ára gömul, á tilfinningaríkum blaðamannafundi.
„Ég hef ekki brotið nein lög. Ég stend við meginreglu í lýðræðisríki að allir eigi rétt á sínu einkalífi,“ segir hún.
300 tonn af búslóðum Grindvíkinga beint á haugana
Rúta með yfir 20 farþegum fór út af vegi
Úkraínumenn handtóku norðurkóreskan hermann
Býst við meiri aðsókn í janúar
Éljagangur en síðan slydda eða rigning
„Guð forði okkur frá því“ að Ísland missi tengslin
Fær leyfi til að rífa bústaði
Segir lögreglu hafa hætt við þegar lögmaður mætti