Óttast óeirðir í sumar

Breska lögreglan hefur varað við mikilli ólgu í sumar vegna fjármálahrunsins. Telur lögreglan að upp úr kunni að sjóða í mótmælum í Evrópu.

David Hartshorn, lögregluforingi í Lundúnum, segir hrunið gefa fólki tilefni til fjöldamótmæla.

Væntir hann þess að margir muni safnast saman vegna G-20 fundarhaldanna í borginni í aprílbyrjun.

Líkur væru á að mótmælendur söfnuðust saman fyrir utan banka sem borga ríflega bónusa, jafnvel þrátt fyrir mikið tap.

Yfir 100.000 manns söfnuðust saman í miðborg Dyflinnar til að mótmæla viðbrögðum stjórnvalda við hruninu, en í erlendum miðlum er það sérstaklega tekið fram að einnig hafi verið efnt til mótmæla í Frakklandi, Grikklandi, Rússlandi og á Íslandi.

Írum misbýður meint græðgi bankamanna.

• 1 blogg um fréttina

Bloggað um fréttina

• Vésteinn Valgarðsson: Uppreisnir og byltingar fram undan