Blóðbað í Alabama

Að minnsta kosti 10 létust þegar karlmaður gekk berserksgang í Alabama í Bandaríkjunum í gærkvöld og skaut á fjölskyldumeðlimi og ókunnuga.

Lögreglan fann fjóra fullorðna og barn skotin til bana í íbúðarhúsi í bænum Samson. Einnig fundust tveir fullorðnir skotnir til bana í tveimur nærliggjandi húsum. Talið er að árásarmaðurinn hafi síðan haldið eftir þjóðvegi þar sem hann skaut sjö sinnum á lögreglubíl. Lögreglumaðurinn særðist en þó ekki alvarlega, að sögn talsmanns lögreglunnar.

Byssumaðurinn skaut síðan til bana manneskju fyrir utan verslun og aðra fyrir utan bensínstöð áður en hann hélt að annarri verslun og hleypti af 30 skotum. Hann mun hafa starfað áður í þeirri verslun. Lögreglumaður varð fyrir skoti en særðist lítið þar sem hann var í skotheldu vesti.

Að lokum gekk árásarmaðurinn inn í verslunina og síðan heyrðist skoti hleypt af. Lögreglan fann hann látinn inni í versluninni. Óttast er að fleiri kunni að finna látnir eftir berserksganginn.

• 2 blogg um fréttina

Bloggað um fréttina

• K Zeta: The right to Bear Arms
• Gregg Thomas Batson: BloodBath in Alabama