Mun meiri fjárlagahalli

Hallinn af bandarísku fjárlögunum verður mun meiri á næstu árum en efnahagsráðgjafar Baracks Obamas Bandaríkjaforseta ráðgerðu. Þetta kemur fram í nýrri rannsókn vestanhafs.

Þannig verður uppsafnaður halli af rekstri ríkissjóðs samtals 9,3 billjónir dala á næsta áratug, eða 2,3 billjónum dala meira en áður var ráðgert, að því fram kemur í rannsókn Congressional Budget Office.

Á fréttavef New York Times kemur fram að ef efnahagsáætlun Obamas til viðreisnar efnahagslífinu gengur eftir muni það þýða 4,9 billjón dala aukningu í fjárlagahallanum.

Sú staðreynd geti haft pólitískar afleiðingar. 

• 2 blogg um fréttina

Bloggað um fréttina

• Gregg Thomas Batson: Chump Change
• Brynjar Jóhannsson: Fjárlagahallinn skárri í Englandi og Svíþjóð.