Ekki samstaða um framkvæmdastjóra NATO
Setja bókamerki
Ekki fékkst niðurstaða á leiðtogafundi NATO í kvöld um hver verði næsti framkvæmdastjóri bandalagsins þrátt fyrir að Þjóðverjar hvettu til þess að Anders Fogh Rasmussen, forsætisráðherra Dana, yrði fyrir valinu. Tyrkir hafa ekki viljað fallast á að danski forsætisráðherrann stýri NATO.
James Appathurai, talsmaður NATO, sagði eftir vinnukvöldverð þjóðarleiðtoganna í Baden-Baden í Þýskalandi, að ekki hefði verið tekin ákvörðun í málinu en það yrði rætt áfram á morgun.
Appathurai vildi ekki upplýsa um viðræðurnar í kvöld. Tyrkir hafa gefið til kynna að þeir kunni að beita neitunarvaldi gegn Fogh Rasmussen vegna óánægju múslima með skopmyndamálið svonefnda og fleiri ágreiningsefni.
Angela Merkel, kanslari Þýskalands, sagðist fyrr í dag vona að ákvörðun yrði tekin í kvöld og að Rasmussen væri einkar góður kostur.
Flestir sem hvergi finnast koma frá Sómalíu
„Við höldum áfram þangað til við erum búin“
77 ár á milli þess elsta og yngsta
Vegirnir voru eins og borðstofuborð
Ása Ellerup flutt út og ætlar að selja húsið
Hulda saksóknari: „Tökum þetta ekki til greina“
Ökumaður í símanum valdur að umferðarslysi
/frimg/1/53/17/1531723.jpg)
Kálfur kom í heiminn á miðjum kosningafundi