Sjóræningjar rændu dönsku skipi

Sómalískir sjóræningjar hafa rænt 17.000 tonna gámaflutningaskipi sem er í danskri eigu. Tuttugu og einn eru í áhöfn skipsins, en hún er bandarísk. Sjóræningjarnir réðust á skipið á Indlandshafi um 645 km austur af Mogadishu, höfuðborg Sómalíu.

Að sögn Siglingaöryggisstofnun Evrópu er áhöfn Maersk Alabama heil á húfi, en sérsveit á vegum ESB er á svæðinu við eftirlitsstörf.

Þetta er sjötta skipið sem sjóræningjarnir taka á nokkrum dögum. Ræningjarnir hafa einnig tekið breskt og taívanskt skip í þessari viku.

Þeim tókst að ræna 15 skipum í mars sem er mikil aukning frá janúar og febrúar, en þá tókst þeim „aðeins“ að ræna tveimur skipum í hvorum mánuði.

• 1 blogg um fréttina

Bloggað um fréttina

• Jakob Falur Kristinsson: Sjórán