Erlent | mbl | 10.4.2009 | 9:45

Þrjátíu krossfestir á Filippseyjum

Frá krossfestingarathöfninni í Cutud í morgun Reuters

Þrjátíu karlar og konur létu krossfesta sig á Fiilippseyjum í dag. Ástralinn John Michael, sem er 33 ára frá Melbourne, var krossfestur ásamt tveimur körlum og einni konu í Kapitangan í nágrenni Manila en 25 til viðbótar voru krossfestir í bænum Cutud norður af höfuðborginni.

Hann mun hafa veri með hárkolli við athöfnina til að líkjast sem mest trúarmyndum af Kristi. Menn klæddir að sið rómverskra hermanna tóku einnig þátt í athöfninni.

Hann bar sjálfur kross sinn að krossfestingarstaðnum þar sem hann var festur á hann með nöglum. Hann hékk á krossinum í um fimm mínútur og var að því loknu fluttur á sjúkrahús.

Michael hefur ekki viljað tjá sig um ástæðu þess að hann tók þátt í athöfninni en það er yfirleitt gert til að bæta fyrir syndir, í von um himnesk verðlaun eða til að þakka einstakt lán.