Klófestir mafían peningana?

Margir Ítalir óttast að mafían og óheiðarlegir embættismenn klófesti mikið af því fé sem veitt er til aðstoðar fórnarlömbum jarðskjálftannna í Abruzzo-héraði, austan við Róm, að sögn Reuters-fréttastofunnar. Á Sikiley býr fólk enn í neyðarskýlum sem reist voru eftir jarðskjálfta árið 1908 en þá fórust um 5000 manns.

Jarðskjálftar eru tíðir í landinu og hafa margir sem misstu heimili sín búið í nokkra áratugi í bráðabirgðahúsum  vegna þess að opinber aðstoð hefur hafnað í vösum spilltra embættismanna og mafíuhópa. Er óttast að nú, þegar verið er að skipuleggja endurreisn í Abruzzo, muni allt fara á sömu leið.

 Vitað er að 287 létu lífið og 28.000 manns misstu heimili sín í jarðskjálftunum nýverið.  Héraðið er í jaðri helsta áhrifasvæðis mafíusamtakanna Camorra á sunnanverðum Ítalíuskaganum. Camorra hefur lengi þrifist vel á því að múta embættismönnum og látið mjög til sín taka í byggingaiðnaði.

• 3 blogg um fréttina

Bloggað um fréttina

• Sölvi Sigurður Kjerúlf: Klófestir mafian peningana?
• Brynja Dögg Ívarsdóttir: Klófestir Mafían peningana, auðvitað
• Eiríkur Eiríksson: Spilling á Ítalíu (og víðar)