Obama stöðvi sjóræningjana

Bandarísk áhöfn flutningaskips sem sómalískir sjóræningjar rændu undan ströndum Sómalíu í síðustu viku hafa hvatt Barack Obama Bandaríkjaforseta til að stöðva sjóræningjana.

Aðstoðarskipstjórinn Shane Murphy vottaði skipstjóranum Richard Philips jafnframt virðingu sína á blaðamannafundi í Kenía.

Philips var bjargað þegar bandarískar leyniskyttur skutu á sjóræningja sem voru með hann í haldi um borð í björgunarbát. Þrír sjóræningjar voru skotnir til bana í aðgerðum sjóhersins, sem Obama fyrirskipaði.

Philips er nú að jafna sig í bandaríska herskipinu USS Boxer eftir þolraunina sem stóð yfir í fimm sólarhringa. Þar verður tekin af honum skýrsla.

• 1 blogg um fréttina

Bloggað um fréttina

• Ásgrímur Hartmannsson: Heimsins bestu skyttur