10 undir eftirliti
Setja bókamerki
Að minnsta kosti 10 manns eru undir eftirliti í Danmörku og Svíþjóð vegna gruns um að þeir hafi svínainflúensu en fólkið hafði verið í heimsókn í Mexíkó og í sunnanverðum Bandaríkjunum. Yfir 100 manns hafa látið lífið af völdum sjúkdómsins í Mexíkó.
Verið er að rannsaka að minnsta kosti 5 manns í Svíþjóð, að sögn Miu Mrytting, starfsmanni sænska sóttvarnareftirlitsins. Þá voru þrjár konur og einn karlmaður lögð inn á sjúkrahús í Hvidovre í Danmörku en fólkið er nýkomið frá Mexíkó og Bandaríkjunum. Danskir fjölmiðlar segja, að verið sé að útskrifa fólkið aftur en það verði þó undir eftirliti áfram.
Karlmaður var fluttur á sjúkrahús í Álaborg með flensueinkenni en hann hafði verið í Bandaríkjunum skammt frá landamærum Mexíkó.
Um helgina voru tveir aðrir lagðir á sjúkrahús í Danmörku vegna ótta um að þeir hefðu svínainflúensu en svo reyndist ekki vera.
Maskína: Framsókn í fallbaráttu
Hraunið við bílastæði Bláa lónsins
Líklega komin á seinni hluta hrinunnar í Svartsengi
Fullvissa ferðamenn um að hér sé öruggt
Hraunið náð Njarðvíkuræð: Fylgjast með raflínu
Drónamyndskeið frá hápunkti gossins í nótt
Virknin dregist saman um 600 metra