Hæstiréttur synjar beiðni Demjanjuk

Hæstiréttur Bandaríkjanna hefur synjað beiðni John Demjanjuk, sem er sakaður um að hafa verið fangavörður í útrýmingarbúðum nasista, um að fá að vera í landinu. Rétta á í máli Demjanjuk í Þýskalandi þar sem hann er sakaður um stríðsglæpi.

Demjanjuk, sem er 89 ára, heldur því fram að hann sé of veikur til að ferðast. Hann er búsettur í Ohio í Bandaríkjunum.

Hæstaréttardómarinn John Paul Stevens neitaði hins vegar að verða við kröfunn.

Demjanjuk neitar því að hafa verið fangavörður í Sobibor dauðabúðunum á tímum síðar heimsstyrjaldarinnar. Hann er sakaður um að hafa átt þátt í dauða 29.000 gyðinga. 

Hann heldur því fram að Þjóðverjar hafi handtekið sig í Úkraínu í stríðinu og að hann hafi verið fangi.

• 1 blogg um fréttina

Bloggað um fréttina

• Axel Jóhann Hallgrímsson: Sumum leyfist....